ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ვიკა.მჟავანაძე
ჟანრი: პოეზია
1 ნოემბერი, 2022


მამაჩემი

როგორ დამიბერდა მამაჩემი,
თავზე ჭაღარაღა შერჩენია,
თვალში ჩაბუდვია განაჩენი —
შავი, უკუნეთი ელეგია.
ძილში უცახცახებს ქვედა ტუჩი,
პიანინოზეც კი აღარ უკრავს.
ბეღურასავითაც მიმიყუჩდა,
მიუყვება ოთახების შუკას...
ორი ფინჯანი გვაქვს მე და მამას,
ყავით გულს იჯერებს სავარძელში.
მამამ თავიდანვე დამიმგვანა.
ნეტა იმერეთში არ გავეშვი
პატარაობისას, როცა ვკლავდი
მე დროს სიცილსა და თამაშებში.
ახლა... ახლა შემრჩა მისი ლანდი.
ღმერთო, ნეტა მართლა არ გავეშვი!..
თავის მიბაჩუნობს შავ ბაჩებში.
მამა, ჩემი დიდი ბავშვი, მამა!
ცრემლი ჩაბუდვია განაჩენში,
ცრემლი — სიბერის და ჟამის გამა.
როგორ დამიბერდა მამაჩემი...

2016

კომენტარები ილუსტრაციები რეცენზიები