ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

„სასტუმრო ოთახს“ სადაცაა ჯვარცმა იშვილებს,
და სამწუხაროდ ეს არც ისე იშვიათია,
ჩემი სიზმრები ერთი აბის მარხვით შიმშილობს,
(იგრძნობა  გიჭირს რომ მონახო სწორი სიხშირე.)

სიბნელე - მხოლოდ ამ არხს იჭერს ჩემი ეკრანი,
არეკლილ მთვარეს ფანჯრებიდან, ლამის რეკლამად
ავღვიქვამ,  როგორც წყვდიადების  მძიმე რეგლამენტს.
უიმედობის სიმფონიას, გვამის ლეგატოს -

მე

ძირითადად მძინავს სადაც იდგმება კუბო,
და ხშირად ვამბობ, რომ გავდივარ რეპეტიციას,
თან თუ დამიწყეს ჩხუბი თითქოს ეს ჟღერდა ცუდად,
ვამტკიცებ: „ვხუმრობ“...  -  (პინოქიო) მერე ვიცინი.
***

ნერვების ზურგზე გადატყდება ისევ დეკადა
და სამარეში ყველა კუზი არის დრეკადი...