ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: პოეზია
15 დეკემბერი, 2022


საბეჭდი მანქანა

მე ახლა სამხრეთის ქარიც კი მაეჭვებს,
პატარა ბავშვივით თმაზე რომ გეხება,
მარტო ვარ ოთახში, წინ მიდევს საბეჭდი
მანქანა. სარკმელში შემოძვრნენ ვერხვები
და მთელი ოთახი მოიცვა სიფითრემ,
კედელზე ბუმბული ჩამოჰგავს გობელენს,
რამდენი ვწერე და რამდენი ვიფიქრე,
პატარა საბეჭდი მანქანის მფლობელმა,
მერე კი თითებმა დაიწყეს თამაში,
სულ წკაპუნ-წკაპუნით ისმოდა ვივალდი,
გიკრეფდი წერილს და ველოდი განაჩენს:
მიყ-ვარ-ხარ. მიყ-ვარ-ხარ.
მიყ-ვარ-დი. მიყ-ვარ-დი.
გიკრეფდი იებსაც, მაგ შენი ბალიშის
ნაქარგის ფერსა და ულურჯეს მინანქარს.
წერილი გათავდა. სიზმარში გაგიშვი.
მიყ-ვარ-დი. მიყ-ვარ-დი.
მიყ-ვარ-ხარ. მიყ-ვარ-ხარ.

კომენტარები ილუსტრაციები რეცენზიები