ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: თანანა
ჟანრი: პოეზია
10 იანვარი, 2023


თოვლიანი ეტიუდი

მთელი ღამე ქსოვა თოვლმა თეთრი თექა,
დილით ხეებს მხრებზე შემოაცვა.
კენწეროდან ნაძვმა ძირს რომ დაიხედა,
ეწყო წყვილი თათმანები ნაძვთან.
უხდებოდა ტოტებს თეთრი მაქმანები,
ყინვამ ჭირხლით სარკმელები ხატა.
მთელი ღამის თავის ნაქსოვ-ნაქარგები.
თოვლმა მიწას დაუფინა ნატად.
ფანტელები მთელი ღამე ვალსს ცეკვავდნენ,
მარადიულ კავალერთან, ქართან.
წამოეცვა მთვარე ბეჭდად ცას ნეკაზე,
დაჰკარგოდა სადღაც, ცისკრის კართან...

კომენტარები ილუსტრაციები რეცენზიები