#ეტიუები

ნინო დარბაისელი

დილემა

დადგა გვალვა და ნოყიერი გულიც  გადახმა.
ვარდს, წიგნს თუ ხეებს  დაუჭკნა და დასცვდა ფურცლები.
რაღაც სხვა ხდება სიყვარულის გაღმა, გადაღმა.
ვნება?! - სულ სხვაა, აივსები და დაიცლები.

სიყვარული და მოწონება  - არის სხვადასხვა.
უკვე გავიდა ეს ცხოვრება და ჩემი წლები.
მიყვარდი, მაგრამ არ მომწონდი
და არც მომწონხარ
და უკვე ვიცი, ამის გამო  - ვერ შეიცვლები!

ნუთუ ამისთვის მთლად ცხოვრება უნდა ეწამო,
დადინჯდეს  გული და  როგორმე მიხვდეს ეგება:
-  ტყუილად წვალობ, ვინმე ცვალო, შენ დამხვეწავო!
სხვისი თარგები არცერთ ჩვენგანს არ მოერგება!