| ავტორი: დებორა ჟანრი: პოეზია 14 მარტი, 2009 |
სიბრაზისაგან თვალის ფერი არ ემჩნეოდა. ის თამაშიდან გამოაგდეს უხეშობისთვის. დაჯდა მარტოკა, მოედნისკენ ზურგმიქცეული.
მე - შევცქეროდი, იმზურგსუკან როგორ დარბოდნენ , როგორ დაობდნენ უნაპერწკლოდ დარჩენილები. უსტვენდა მსაჯი მოხალისე კალათბურთელებს. დიდი, მხტუნავი ფორთოხალი მზეში ბრუნავდა. მზეში ბრუნავდა ფორთოხალი ფარსაცდენილი, მოედანგარეთ გორდებოდა ახალმწვანეში, ზოგჯერ კალათშიც ვარდებოდა... და არ ხდებოდა საბოლოოდ აღარაფერი.
დაუცხრა მზერა ალესილი, კისრის ძარღვები დაბერილი ნელა ჩაუდგა და ცხელი ქშენაც მიუწყნარდა ნესტოებიდან და აღარც ლურჯი მაისური უტოკავდა ოფლიან მკერდზე, მაგრამ უეცრად, სულისაბერვით აიყარა შუბლიდან თმები , როდესაც გოგომ კაფანდარამ , მკერდმოკოკრილმა, მოუხედავად ჩამოუარა და სიშორიდან ერთმანეთი იგრძნეს ტანებმა .
ბიჭმა ენაზე დაისველა მომლაშო ცერი და გადაყვლეფილ მუხლისთავზე ბეჭდად დაისვა, მერე ნებივრად გაიზმორა და ერთიანად ჩასუნთქული მთელი სამყარო ამოამთქნარა უდარდელად .
წამოუბერა .
მე ავიტატე შვილიშვილი შინ გავეშურე , იქ კი , ზურგსუკან გრძელდებოდა ისევ თამაში.
მზეში ბრუნავდა ფორთოხალი. ბრუნავდა მზეში .
კომენტარები |
ილუსტრაციები |
რეცენზიები |
|
14. ++ kargiaaaaaaa:) ++ kargiaaaaaaa:)
11. რამხელა ეროტიზმია ამ ლექსში, თუ დააკვირდით...
რატომ, ან როგორ გამომრჩა ეს ლექსი? ჩემი ნაგვიანევი ფრიადი, რაღა თქმა უნდა! რამხელა ეროტიზმია ამ ლექსში, თუ დააკვირდით...
რატომ, ან როგორ გამომრჩა ეს ლექსი? ჩემი ნაგვიანევი ფრიადი, რაღა თქმა უნდა!
10. ისევ ორმაგი ლექსი? :) ისევ ორმაგი ლექსი? :)
8. პირველ ვარიანტშიც წავიკითხე. პოეტი არა ვარ, მაგრამ ეს ისე მომეწონა, რომ მეტი არ შეიძლება:
'და სიშორიდან ერთმანეთი იგრძნეს ტანებმა .
ბიჭმა ენაზე დაისველა მომლაშო ცერი და გადაყვლეფილ მუხლისთავზე ბეჭდად დაისვა, მერე ნებივრად გაიზმორა და ერთიანად ჩასუნთქული მთელი სამყარო ამოამთქნარა უდარდელად .'
ძალიან ძლიერი სურათია, თუ სცენა. არ ვიცი როგორ ვთქვა! ვისიამოვნე! პირველ ვარიანტშიც წავიკითხე. პოეტი არა ვარ, მაგრამ ეს ისე მომეწონა, რომ მეტი არ შეიძლება:
`და სიშორიდან ერთმანეთი იგრძნეს ტანებმა .
ბიჭმა ენაზე დაისველა მომლაშო ცერი და გადაყვლეფილ მუხლისთავზე ბეჭდად დაისვა, მერე ნებივრად გაიზმორა და ერთიანად ჩასუნთქული მთელი სამყარო ამოამთქნარა უდარდელად .`
ძალიან ძლიერი სურათია, თუ სცენა. არ ვიცი როგორ ვთქვა! ვისიამოვნე!
7. შეუფასებელი. შეუფასებელი.
6. ეს ნახატია. ულამაზესი სურათი ეს ნახატია. ულამაზესი სურათი
5. მე ავიტატე შვილიშვილი შინ გავეშურე , იქ კი , ზურგსუკან გრძელდებოდა ისევ თამაში.
მე ავიტატე შვილიშვილი შინ გავეშურე , იქ კი , ზურგსუკან გრძელდებოდა ისევ თამაში.
4. რამდენი ნიკით უნდა დადო ესლწქსი? რამდენი ნიკით უნდა დადო ესლწქსი?
2. ნეკერა ძვირფასო! წარმოდგენა არა მაქვს,საიდან გაჩნდა ჟანრის გრაფაში სიტყვა ''თარგმანი'',არადა გამოცვლას ვერ ვახერხებ. ახლიდან კი იმიტომ დავდე,რომ გადავამუშავე და ''პრე პოემს'' ძალზე დავშორდი. ნეკერა ძვირფასო! წარმოდგენა არა მაქვს,საიდან გაჩნდა ჟანრის გრაფაში სიტყვა ``თარგმანი``,არადა გამოცვლას ვერ ვახერხებ. ახლიდან კი იმიტომ დავდე,რომ გადავამუშავე და ``პრე პოემს`` ძალზე დავშორდი.
1. თარგმანი? აკი ჩემი რვეულიდანააო? თარგმანი? აკი ჩემი რვეულიდანააო?
|
|
მონაცემები არ არის |
|
|