ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ცისკაძე ოთარი
ჟანრი: თარგმანი
17 მარტი, 2024


Sara Teasdale - Change

სარა ტისდეილი - სახეცვლილება

დამიმახსოვრე ისეთივე,  ვით ვიყავ  მაშინ;
ახლა კი წადი, ოღონდ მინდა თვალწინ რომ გედგას,
პირმოცინარი ქალიშვილი გაფურჩქნილ ბაღში,
შუაღამისას ვინც გელოდა მარტოკა მედგრად
და სიყვარულით დანთებული კამკამით თვალთა,
ჰგავდა ზაფხულის ნაზი ღამის ციმციმა ვარსკვლავთ.

პირი იბრუნე, მაგრამ მინდა ჩაგესმას მუდამ
ნამიან ღამით  ხმადახშული სიცილის ჩქამი
ერთადერთი წლის, როცა ერთად ცხოვრება გვსურდა,
იმ ერთადერთხელ თანგანცდილი ჭაბუკურ ჟამის;
ზურგი მაქციე, თორემ ვეღარ იპოვი შვებას
როცა იხილავ, რა დამმართეს მომდევნო წლებმა.

17 მარტი, 2024 წ.


Sara Teasdale - Change

Remember me as I was then;
Turn from me now, but always see
The laughing shadowy girl who stood
At midnight by the flowering tree,
With eyes that love had made as bright
As the trembling stars of the summer night.

Turn from me now, but always hear
The muted laughter in the dew
Of that one year of youth we had,
The only youth we ever knew --
Turn from me now, or you will see
What other years have done to me.

კომენტარები ილუსტრაციები რეცენზიები