#ლექსები

ნინო დარბაისელი

სელფმეიდი*

(ყველას, ვინც  დღემდე  თვითაღიზარდა)

სხვა ბედი გერგო, უადგილოდ ნახარო ნერგო,
არავინ გივლის,  ზედ გესხმება ბევრი ტალახი!
მთავარი არის,  შუა ზრდისას არ ჩაიხერგო,
წინ! - უფრო დიდი ამბები  გაქვს გადასალახი.

არ ენდო გულით, თუ იტყვიან,-  “რა საწყალია!”
ნურც გულს გაიტეხ, რომ გაიგო, შენზეა ახი!
ტალახიანიც - მოსარწყავად -  მაინც წყალია,
წყალია მაინც,  გესხმებოდეს თუნდაც ტალახი!

- - -
* selfmade- პირი, რომელმაც თვითონ მიაღწია წარმატებას.