მე მინდა, ვიყო მარტო მე !
მე მინდა ,იყო მარტო შენ !
სადმე,
ახლობელ  შატოში,
ენკენისთვეში ,
რთვლობისას-
რომ შენი თეთრი  მკლავები 
მხრებზე პლედივით მოვისხა....
მათბობდე- ქარით  გათოშილს!
მაძლევდე ძალას,მითიურს.
ჩემს მკლავზე  ჩამოძინებულს,
ღამე დილამდე გითიო
და დილით  გაგიმასპინძლდე
ლექსებით -სიტყვის მძივებით .
მე სიკვდილამდე  ვიფხიზლებ
სულ  ერთი  გამოძინებით  .
გულსაც  ვერ გადამიციებს
იანვრის მოსვლა  უთქმელად .
მე შენი  ყველა  სიცილის
და სევდის  მესაკუთრე  ვარ !
.........................................................
ენკენისთვეში,
რთვლობისას ,
სადმე  ახლობელ შატოში-
მე მინდა, ვიყო მარტო მე !
მე მინდა ,იყო მარტო შენ !