რომელია სწორი ფორმა: ბზინავდა თუ აბზინდა?
გულიანად გამეცინა, ჩვენი სოფლის აბზინდა...
ქრისტესსისხლაც გამახსენდა, სალბუნებლად იარის,
იქვე სვია, უთავბოლო, კეკლუცი და ხვიარა.
სახლთან მდგარი, აზიდული ლამის სახლის ჭერამდე,
ყვითელგულა, ხორკლიანი, დაწინწკლული ჭერამი.
მედიდური მამლები და მოკრიახე კრუხები,
იმ დღეების სახსოვარი ზოგიც გამირუხდება,
რაც დარჩება, სინათლეა - მოგონების სკივრიდან,
ყველას გამოვიზოგავ და სიბერემდე მივიტან,
კიდევ კარგი, წერა ვიცი, ასე უკეთ ვიხსენებ,
ნამაისარ სამყურების კოკისპირულ სისველეს...