მეც ფეისბუქის ლინკიდან წავიკითხე ახლა, 
კი მიყვარს იეიტისი და თარგმანიც მომეწონა.

ახლა ნაპოვნი თარგმანის დასამატებლად რომ შემოვედი, აღმოჩნდა, რომ ძველი არ დადებულა. ვიწვალე ოთხჯერ და არც კომენტარად იდება. რა ტექნიკური პრობლემაა ვერ ვხვდები. ვისაც ძალიან უნდა წაკითხვა, მისთვის ფეისბუქის ლინკს ვდებ

https://www.facebook.com/share/p/buZ3t8c6PEBEQTvi/?

უი, ვიპოვე ძველი თარგმანიც!!!

#თარგმანები


დიდი არაფერი თარგმანია, მაგრამ
მაინც იეიტსია და ვიცი, ბევრს გიყვართ

უ. ბ.  იეიტსი

გავა ხანი  და თმათეთრს ძილი მოგეძალება,
ბუხრისწინ მთვლემმა გადმოიღე ეს წიგნი მაშინ,
იკითხე ნელა! გაგახსენებს,  მზერის ცვალება
როგორ გშვენოდა და ღრმა ჩრდილი გამოხედვაში.

მომჯადოები  სხვა ვინ იყო ირგვლივ შენ გარდა.
ზოგს მართლა სწვავდი,  ზოგს  - მშვენებამ ტრფობა  ანდომა.
მოხეტიალე სული შენი კი ერთს უყვარდა
და სევდიანი  სახის  შენის ცვალებადობა.

და მოვარვარე ბუხრის თეჯირს რომ მიუჯდები,
ჩაიჩურჩულებ სევდიანად: აქ არ იბუდებს,
გადიარაო სიყვარულმა შორი  ქედები
და შეაფარა სახე ციურ მნათობთა გუნდებს.

(თარგმანი ნინო დარბაისელისა)