ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: თამუნა ჭიღლაძე
ჟანრი: პოეზია
25 იანვარი, 2025


შენი ხელები

***
მოდიხარ და მოგაქვს სიმშვიდე ხელებით.
ზეცაზე გაფანტე ღრუბელი სრულიად.
არ მინდა,არც დროა არაფრის ხსენების,
დღეს მარტო ეგ შენი სიმშვიდე მწყურია.
მე ვიცი, შენ ჩემით სამყარო აშენე.
(ვამბობ და სათქმელად არც ისე რთულია.)
ახლა კი როდესაც ვარდები ამშვენებს-
ამ ვარდებს მაგ შენი ხელების სუნი აქვს.
რამდენი ზამთარიც არ უნდა მოვიდეს,
სპექტაკლი გამართონ რამდენჯერ  ზვავებმა,
იმდენჯერ შენს ნარჩევ ყაბალახს მოვირგებ
და დაველოდები კვლავ გამოდარებას .
გიჟი ვარ,ზოგჯერ კი ვიბრალებ სიგიჟეს.
შენს გულწრფელ სამყაროს ვენდობი სრულიად.
მოდიხარ და მოგაქვს ხელებით სიმშვიდე,
დღეს მარტო ეგ შენი სიმშვიდე მწყურია.

კომენტარები ილუსტრაციები რეცენზიები