ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ირაკლი0909
ჟანრი: პოეზია
29 იანვარი, 2025


* * *

ქარი ისევ ანარქიას თესავს,
ბრბოს ინსტიქტით დააქროლებს ფოთლებს.
მანიფესტად ამჩნევია ზეცას
მწკრივი - შავი ფრინველების.
საღამოა და ზარები რეკენ.
რა ხანია უარვყავი ქრისტე.
დემონები მაცილებენ შენკენ
მეუფეო ბნელი სივრცეების.
ხიდან ზანტად წამოფრინდა ყვავი,
თვითმფრინავი ზეცის ვენას სერავს
და სინათლის უკანასკნელ ყვავილს
ღამე ტერფით მალე გადათელავს.
წყვდიადი წყვდიადს რომ შეეხება
და წამიერად იელვებს ვერცხლი,
შენი ღიმილი კვლავ აენთება,
როგორც მაცხოვრის საფლავზე ცეცხლი.
დაკარგულ ღმერთთან დამაბრუნებს მე ეგ თვალები,
არ ვიცი სხვა გზა, არ ვიცი მღვდლები...
და შენი მზერის სიღრმეებში მოვინათლები
მე: აზაზელო თუ ბელზებელი.

ახლა ამ ფურცელს ხელით ეხები,
მაჯას უსინჯავ, ხარ განაბული...
გრძნობ?
ამ ფურცელზე სიტყვის ლურსმნებით
ჩემი სულია ლექსად გაკრული.

კომენტარები ილუსტრაციები რეცენზიები