შენი თვალები ალაზანია,
ვხაპავ და ვერ ვცლი ბოლომდე სათქმელს,
ვიცი, რომ ჩემთან გინდა ძალიან
ფუჭმა დღეებმა სიკეთე შთანთქეს. 

რად შეეხიზნე დარდსა და წუხილს,
სევდის ჭიები გიჭამენ ზეცას.
ნაცნობი მზერის ნათელი მწუხრით
აქცევ სამოთხედ სიცოცხლის ერთ წამს.

სხივები გულის გარეთ თუ შიგნით
ანადგურებენ მშვიდ წუთებს მკივარს,
ჩვენი ცხოვრების ფერადი წიგნის
ამოგლეჯილი დღეები მტკივა.

მტკივა, რომ გულის უნაზეს სარქველს
აღარ ასკდება ნაკადად სისხლი,
დაღმართებს უნდა დაუყვე თავქვე,
ვერას გახდები ბრაზით და რისხვით.

ზოგჯერაც მკაცრი სიმდორე ყოფის
დაანაკუწებს იმედებს ბინდად,
ზოჯერაც მხოლოდ ჩემი ცა მყოფნის
ზოგჯერაც მხოლოდ შენი ცა მინდა