ნაწარმოებები


გამოცხადდა ლიტერატურული კონკურსი- “ლილე2025“. დაწვრილებით ფორუმზე, კონკურსების განყოფილებაში.     * * *     გამოცხადდა ლიტერატურული კონკურსი- “ლექსების გამოფენა/ასი სიტყვა“. დაწვრილებით ფორუმზე, კონკურსების განყოფილებაში.     * * *     გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ზღვისპირელი
ჟანრი: პროზა
30 ივნისი, 2025


....

თავი 2
თენდებოდა.
ჩვევად ჰქონდა გადაქცეული დილით ადრე ადგომა.სიჩუმეს უგდებდა ყურს.უსმენდა როგორ იღვიძებს სოფელი.
ჩაიდანი ღუმელზე შემოდგა..
ძაღლი ფანჯარასთან იჯდა.
კაცმა თავზე ხელი გადაუსვა და ჩუმად უთხრა
-ვნახე..იქ,თავის ქალაქში.
ძაღლი თითქოს მიხვდა რაც უთხრეს.
კუდი გააქიცინა და თბილი ენა ხელზე მოუსვა.
კაცი ნელა,დინჯად გავიდა მეორე ოთახში.კარადის  უჯრა გამოაღო.იქედან პატარა,დამტვერილი ყუთი გამოიღო,ხელი გადაუსვა და სასადილო ოთახში გაიტანა.
სკამზე დაჯდა.ყუთი წინ დაიდო და თითქოს რაღაც განძით ყოფილიყო სავსე,ისე ფრთხილად გახსნა.
იქედან პატარა,ნახევრადდამწვარი,წითელი სანთელი ამოიღო.
დაბადების დღის მერე ინახავდა.
იმ დღის მერე,როცა ქალი პატარა,მუყაოს ყუთით ხელში მოვიდა,რომელშიც მარწყვის ტორტის მოზრდილი ნაჭერი იდო.
მაშინ ის ერთი ცალი წითელი სანთელი დაანთეს ტორტის იმ ნაჭერზე.
კაცმა გაიღიმა
-ასეთი კარგი დაბადების დღე არასდროს მქონია,თქვა კაცმა და სანთელი ჩააქრო.

მისი დაბადების დღე თენდებოდა.
სანთელი ხელისგულზე ედო.
არ უნდოდა ანთება.
ჯერ ცოტაც უნდა დალოდებოდა.
კიდევ ერთი დღე.
კიდევ ერთი სიჩუმის,მარტოობის და მონატრების ერთი დღე.
სანამ ის მოვიდოდა და ჩუმად იტყოდა
-მოვედი.
და გაიღიმებდა ისე,როგორც იღიმიან ბედნიერი ქალები.

კომენტარები ილუსტრაციები რეცენზიები