#ლექსები

ნინო დარბაისელი

ბედაური

(“ბედაურები დაიხოცნენ, ვირებს დარჩათ მოედანი” - ანიკოს საგანძურიდან)

ვინც არ იცის ბრიყვის ცნობა,
ნუ ჰგონია მას ადვილი,
სოლომონიც დაემცრობა.
თუა ცხენის ფასად  ვირი.

ო, ლოგიკა გიჟური და
ბრიყვის დამაჯერებლობა! -
მოდის თითქოს ნაჟურიდან.
შიგ ბრძენიც კი ჩაეფლობა.

გულწრფელობაც ახლავს დიდი,
სულ სიმართლე გეგონება,
კარგად თუ არ დაუკვირდი,
თუ არ გიჭრის ეგ გონება.

ჭკვიანს?  -  რაღა დარჩენია,
ირგვლივ ბრიყვი კი -  ბევრია,
თუ ცოლ-შვილიც სარჩენია,
რა დროსია იბერია!

ბრიყვი -  მუდამ ბრიყვს იზიდავს,
უყვართ ბრიყვებს გუნდ-გუნდობა.
ბრძენს  კი თავი გაუხიდავს
შუა, როგორ  მიენდობა…

შუა ლაფში გადაბრუნდა,
ვინ გაათრევს ნეტა ურემს.
ვირსაც დაპურება უნდა,
როგორც ადრე -  ბედაურებს!

არჩევანი - არადანი:
- მარქაფად - ახალი სია,
ვირებს დარჩათ მოედანი,
ხარობენ და ხალისია!

მიდი, გასწი გარმონია,
შენ დაუკა, მე - დავუვლი!
ვირი -  ყველას სხვა გვგონია,
ხოლო თავი - ბედაური!