ორკესტრი ტყეში

            მურა დათვი ტყეში ცხოვრობს,
            ძლიერ უყვარს მუსიკა,
            თაფლს და ჟოლოს ურჩევნია,
            ორკესტრიც და გუნდიცა.

            „ორკესტრს ჩამოვაყალიბებ,
              დიდ კონცერტებს გავმართავ,
              ყველა ცხოველებს მოვიწვევ,
                ფრინველებსაც ხანდახან“.

              მოიწვია ცხოველები,
              თან ააწყო გიტარა,
              ამ დროს მოფრინდნენ ჩიტები,
                სად იყვნენ და სად არა.

                ვერ უკრავენ ცხოველები,
                ვერც ჩიტები მღერიან,
                „ნეტავ ტყეში ვინმემ გახსნას
                  ეჰ, კონსერვატორია“.