"...მთელ გალაქტიკას ზიდავდა გალა! მარა…
საკუთარ თავის ზიდვისათვის არ ეყო ძალა!" - გიზო ნიშნიანიძე
------------------------------
არ გადმოხტე!

ჩვენ გვგონია, რომ გავფრინდებით, ამიტომ ვხტებით
(თუ რამე, თავსაც გავიმართლებთ: ვის არ მოსვლია...?!),
რადგან გვახსოვს, რომ მოვიცვალეთ სარძევე ფრთები,
თუმც გვავიწყდება, რომ მუდმივი არ ამოგვსვლია.

მუდმივი ანუ უხილავი, თვალთათვის, ფრთები,
სწორედ ისეთი, ლურჯა ცხენთა რომ ესხა მხედარს.
და თუ ამგვარი ფრთებით ხტები, მაშინ არ კვდები,
რადგანაც სული დაცემამდე ეცლება ცხედარს.