#ლექსები

ნინო დარბაისელი

შიშის სონეტი

ზოგს შიში ზაფრავს სიმაღლის, სივრცის,
ზოგს - ღიასი და ზოგს - ჩაკეტილის,
ზოგს - რა აშინებს, თვითონ არც იცის,
ზოგს - შიშიც ზარავს - რამე კეთილის.

ჩინის დაკარგვას სულ შიშობს ყრუ და
ღალატის შიშზე?! - თქვას მამელუქმა.
ცხოველის შიში?! - იქვეა მუდამ
დაარტყამ? - გარბის, შივდება? - ლუკმა!

ზოგს - ეშინია მარტო დარჩენის,
ზოგს - ეშინია, დაიწყებს ხველას…
სხვამ ჩამოთვალოს - სხვა დანარჩენი!
უამრავია და გვმართავს ყველას!

რას მეუბნები, არ გაქვს ფობია?
- სხვას ეთამაშე არიფობია!