#ლექსები

ნინო დარბაისელი

ნოსტრდამუსს

  (შექსპირული სონეტი - ცხენის მონატრებაზე)


ახალმა  პატრონმა “მესიჯი” დამიტოვა:
მოწყენილიაო,  ლაღიც აღარ ეთქმის!
ვუთხარი,  ალბათ,  თავი იმარტოვა,
ან არ  ეხუტებით  განუწყვეტლივ-მეთქი.

ალერსს ნაჩვევია, მუდმივად მოსაფერი.
მეც ვეფერებიო, ვფიცავო.
საჭმელზე შევეკითხე, უცხო - არაფერი,
დოზებსაც  -  უცვლელად  ვიცავო.

- ვიტამინს თუ უფშვნით საჭმელში ყოველ დილა.
კუჭი უმოქმედებს ნაჭამზე?
კიო და სადგომიც ბევრჯერ გაწმენდილა,
დგასო და  მთელი დღე წყალს ჩამზერს.


დავპირდი,  დღეს გნახავ,  საქმეს რომ მოვილევ.
როგორ გაგიმეტე, ძილშიც სატირილევ!