დიდგორმოგებულ ერით,
შამქორმოგებულ ქვეყნით,
მჯერა: შენც იამაყებ,
ყოველთვის დაიკვეხნი!

რომ გაიზრდები საბა,
შეუყვარდება შენ გულს...
მწამს: შენც უმღერებ მთა-ბარს,
რიონს, მტკვარს, ფსოუს, ენგურს.

ამ საქართველოს ცაში
სანამ არწივიც დაქრის,
ყველა მოელის შენგან
კეთებას ქართულ საქმის.

მე კი შეგაქებ ისევ,
დედაც ჩაგიკრავს გულში,
ჩამდგარი არის ისიც
სამშობლოს სამსახურში.

დიდგორმოგებულ ერით,
შამქორმოგებულ ქვეყნით,
მჯერა: შენც იამაყებ,
ყოველთვის დაიკვეხნი!

ოთარ რურუა

2026