#ლექსები
ნინო დარბაისელი

  უადიალო სონეტი

“მცივაო მარტოს, უადიალოდ”-
მე ვეღარაფერს  გიშველი!
არ გვიცხოვრია  უიდეალოდ,
გვიყვარდა ბობი ფიშერი.

ქცევა არასდროს არმოიეფის - მეფის -
-  თუ გახსოვს, რობერტის
და ავადმყოფის  - სულ ავად მყეფის
ხმა შინაგანი:  მობერდი!

შორი  გვჯეროდა  რა  მართალ-ჭორი! -
- “დაეცა დაუცავი” და
ელეგანტური, ჯიუტი ჯორი -
- სიმარტოვეში წავიდა.

გმირ-კაცი? მხდალი? - ვერსადგენია
იგი - ჭადრაკის გენია!