ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
15 მაისი, 2009


მეზღაპრე. (წერილი მე)

სალამი მეზღაპრევ, დაუშვი აფრები?
იჩქარე დღე-დღეზე ელიან ზღვის ღელვას,
ტალღები რომლებიც ღმერთსაც კი მოკლავენ
ოცნებებს გამოსცდნენ და შენკენ მოდიან.

სალამი მეზღაპრევ, გიგზავნი წერილებს
ნეტავ თუ ნახულობ, ან თუკი განიცდი
რომ მე ვარ წარსული მაგ შენი მომავლის
ზღაპრად რომ უყურებ და
მაინც არ გჯერა

რომ ერთ დღეს ვუწოდებ, უბრალოდ, მე - ერთ დღეს,
მზის ციკლში მეტევა ყოფნაც და არყოფნაც
და შენ რომ აღმერთებ -"გავლენას მომავლის" -
მე აღვირს მოვქაჩე და
სიზმრებს მივაბი.

ადექი მეზღაპრევ, ადექი, ჩაიცვი
დღეს ცივა საოცრად, წვიმა და ქარია
ქუჩაზე რომელიც უბრალოდ ქუჩაა
და გარბის არედან აზრობრივ დატვირთვის.

გეყოფა მეზღაპრევ, სალამი აწმყოდან!
აქ სცივათ, გარბიან, უყვართ და სცოდავენ...
ღმერთები? ეგენი უსმენენ არიებს -
შენ რომ ცას ეძახი, ისე კი ლოჟაში.

კომენტარები ილუსტრაციები რეცენზიები