ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
5 ივნისი, 2009


ენ-აო

ზანგი ვარ - ეს ნიშნავს, კანი მაქვს სხვა ფერის,
ფერის რა - ის ცა და მე უფრო მზისაკენ...

ზანგი ვარ - ეს ნიშნავს, რომ ვდგავარ სხვა კლასში,
კლასში რა - ვეკუთვნით სხვადასხვა სოციოს...

დამშვიდდი,
მივდივარ,
უდაბნოს ვერევი, აქ ყველა ოაზისს ვიცნობ და
სასმელად,
ადვილად ვიშოვი წყალს და ხელისგულებს
მივუტან შამანებს მეზობელ ტომიდან.

მეტყვიან -
მდინარეს მოჰყვება ენ-აო
(ქალღმერთებს არქმევენ უცნაურ სახელებს)
ის მოვა, როდესაც
უდაბნოს ქვიშაზე
ზამთარი გაწვება ზოლებად
ზებრების.

ზანგი ვარ - ეს ნიშნავს, მე მწამს და მე მიყვარს,
მიყვარს რა - ვუყვარვარ, მაგრამ აქვს ფობია...

ზანგი ვარ - ეს ნიშნავს, კანი მაქვს სხვა ფერის,
ფერის რა - ის ცა და მე უფრო მზისაკენ...

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს