იცით, მე როგორ მეუღლეს ვეძებ?
ბევრი რამ შეძლოს ჩემი გულისთვის,
მტკიცე საყრდენად დამიდგეს გვერდში,
სალბუნად იქცეს მტკივან სულისთვის.

არ გაიკვირვოს ჩემი ოცნება
და ჩემთან ერთად იფრინოს ცაში,
გულში ჩამიკრას და მომეფეროს,
ძლიერ ტკივილებს რომ ვიგრძნობ მაშინ.

როს მემღერება , არ დამიშალოს,
თუ მეცინება, იცინოს ჩემთან
და დამაჯეროს, ბედნიერებით
მიახლოება რომ ძალგვიძს ღმერთთან.

რომ სიყვარული მართლა არსებობს,
ცოლ-ქმრულ უღლის ქვეშ ის არა კვდება,
თუ მოვინდომებთ, ნამდვილად შევძლებთ
ერთმანეთისთვის ვიქცეთ ღვთაებად.

თუ შემისრულა ღმერთმა სურვილი,
უფრთო ანგელოზს დავედარები,
სამაგალითო წყვილი ვიქნებით
და შეიქმნება ჩვენზე ზღაპრები...