ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: საბავშვო
29 მაისი, 2008


დედა ენა

                                        დედა ენა

პირველად დედამ მანახა
საოცრად ლამაზი წიგნი,
მითხრა : ჩემსავით გიყვარდეს,
გზას გაგიკვალავს იგი.

ზღაპრის სამყაროს მსგავსია
ყველა ფურცელი მისი,
ზოგან თუ ია გვიღიმის,
ზოგან ჭიკჭიკი ისმის.

აქვს ლომის სიძლიერე და
სინაზე პეპლის ფრთების,
ისწავლი? გაგხდის დამხვდურად
შინა თუ გარე მტრების.

ის დედასავით თბილია
და დედასავით ერთი,
წიგნია-ყველა ქართველის
დასაფიცარი ღმერთი.

                                              ქართველი ხარ?

ქართველი ხარ?მაშ გიყვარდეს
დედა ენა, ქართული,
გერმანულის,ინგლისურის
იყავ სწავლით გართული.

ფრანგულიც და ესპანურიც
შეისწავლე თუ გინდა,
ქართული არ დაივიწყო
თუნდაც ერთი წუთითაც.

თუ მშობლიურ ენას პატივს
არა სცემ და არ გიყვარს,
მაშინ არ ხარ პატრიოტი,
მაშინ აბა რა გითხრა?

იქნებ ბედმა მოგატაროს
აზიაც და ევროპაც,
საამაყოდ, დამიჯერე
ქართველობაც გეყოფა.

თუ გსურს იყო ცხოვრებაში
მართლაც წელგამართული,
არასოდეს დაივიწყო
მშობლიური ქართული.

კომენტარები ილუსტრაციები რეცენზიები