ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
20 აგვისტო, 2009


ორი

რუკა

თუ გზას მოვნიშნავ
ჩემიდან შენსკენ
წითელი ზოლით
რუკაზე რომლის,
მასშტაბზე უფრო
ითქმება - შანსი
ათიდან ერთი
და სიმბოლოებს
რომ მხვდება შენსკენ
დავატან რუკას
ჯვრებად და ტბებად
(ზედმეტებს წავშლი)
გამოვა კარგო
რომ ვკვდები რწმენით
და ხასითით
კიდევ ვარ ბავშვი.



რიწა

დავიგვიანე ვიცი, ომებით
მე სანამ შენთან ნელა მოვდივარ,
შენს უჩემობას წლები მოება -
წვანან რიწაზე საღამოები,
როგორც მონები ტანზანიიდან
რომ გაიტაცეს წლების უშორეს...
სტიქიამოვლილ სანაპიროზე
სცვივათ ნაყოფი ავოკადოებს.
დავიგვიანე ვიცი, ომებით
შენამდე მოსვლა ისე გაჭირდა,
რომ გადავჭიმე ცაზე ფიქრები
და ვსუნთქავ მძიმედ,
დროგამოშვებით...

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს