ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
21 სექტემბერი, 2009


* * * (არდოტის ზეცას უშენობამ წაჰგვარა ეშხი)

ს.ბ.-ს

ვწევარ ჭერხოში, თრიაქს ასდის
კვამლი ლანდივით,
უშენოდ ეშხი დაჰკარგვია
არდოტის ზეცას,
შატილის მთებს კი - შემოდგომა
ფერდებზე ეწვის
და ნამთვრალევი
მნათობების დათვლასაც ვბედავ.

აღმოსავლეთი...
ვარსკვლავებსაც სცოდნიათ ნისლი
(საგულისმოა, ჰოროსკოპით კიბორჩხალა ვარ)
სადღაც სამხრეთით
შენ ფიქრები გევსება ჩემით
და მონატრებას ალბათ მომცრო
ნაჭრელას ართავ_

_ართავ ფერებად მილიონი
ან ცოტა მეტი
მაგ ყანწით კარგო სხვას არას და
შენ ტუჩებს დავლევ
მერე მექნება შენით სავსე გარდა-ცვალ-ება
და მოწმენდილი, უღრუბლო და
უქარო ღამე.

არდოტის ზეცას უშენობამ
წაჰგვარა ეშხი,
შატილის მთას კი - შემოდგომა
აეწვა ფერდზე...

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს