ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: პოეზია
10 აპრილი, 2008


ეს გაუმარჯოს!

ეს გაუმარჯოს ქალის გულს,ქვეყნად
ყველაზე ნაზს და ყველაზე სათუთს,
მაგრამ უმაგრესს ფოლადის რვალის,
თუ კი დასჭირდა საყვარელ მამულს.

თუ კი დასჭირდა შვილებს,მეუღლეს,
აიტანს ყველა განსაცდელს ,ურვას,
მაგრამ თუ ოდნავ მოაკლდა სითბო,
დაიწყებს უხმო გმინვას და მდურვას.

ნაზია,როგორც სულ თოთო ბავშვი,
მტკიცეა,როგორც ნაწრთობი რკინა,
ძალუძს,ვიღაცის ოცნებად იქცეს,
ვიღაცას ექცეს სანატრელ ბინად.

ეს გაუმარჯოს ქალის გულს,ქვეყნად
ძალზე უცნაურს,ძალზე ცვალებადს,
ყველაზე უფრო ძალუძს გაიგოს
სხვისი ტკივილი და აღსარება.

ყველაზე უფრო გაითავისოს
სხვისი ოცნება და სიხარული,
ყველაზე ძლიერ ძალუძს გატანა,
მხარში დადგომა და სიყვარული

კომენტარები ილუსტრაციები რეცენზიები