***

სკვერი სადაც შენ გხვდები
ლოთებისა და
ღამის პეპლების გარდა,
იზიდავს ღმერთებს_
ერთმანეთის კალთაში სხედან
და ლოცვებს იწერენ ტუჩზე.


შენ

მარჯვენა მკერდზე
როცა გრძნობ ცხელ ხელს
და ყელის ძირში გიფეთქავს
ტუჩი,
ამბობ - ზამბახებს
შემოეცრიცათ ბოლო ფოთოლი.


თმა

გაშალე ცაზე,
მე, მოლბერტი...
და ღერი-ღერ
გიფერადებ მომავლის წუთებს.


***

აცივდა, სახლი,
მწვანე ხეების ტევრი.
გხვევ მკლავებს წელზე.
წუთი-წუთზე
გადაიფრენენ მოგონებები
დასავლეთისკენ.