ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
10 იანვარი, 2010


გიქარგავ (სოფის)

შენთან შეხვედრა მწადია ქალო
საუბარი მსურს, შენზე და ღმერთზე
და თუ ღმერთმა თქვა სიკვდილის ხარო
მე ვამბობ ცაზე გვირილის დასტებს -

გიქარგავ,

ქარი ამ აშარ ღრუბლებს
აშლის, შენ სანამ წამწამებს ახდი
თვალებს
და წამი ასწლეულს გასდევს
მოგონებად და მე ვამბობ

დატკბი

დატკბი ცხოვრებით, სუნთქვით, ფიესტა
დღეს არის სწორედ, სწორედ ახლაა
დრო რომ, განთიადს ღამე ჯიბეში
ჩაუტენო და განსახიერდა

შენში ოცნება - ჩემში ნაცხოვრი
და გულიც მოჰგავს თითქოს ნათხოვარს...
შეხვედრა მსურდა, შეგხვდი და
ცაზე
ბეღურას მზე და სითბო დაუსხამს.

მე ვამბობ ცაზე გვირილის კონებს
გიქარგავ ქალო... ცა კი გვახურავს.

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს