ს.ბ.-ს

ელ, ათასობით დარდი აქვს ადამიანს
ელ, ათასობით სირთულის გადალახვა
გიწევს, როცა გინდა რამეს მიაღწიო
გქონდეს - ღიმილი და ორი აივანი

სახლში,

რომლის ფუძეც მერყევ ნიადაგზე
დგას, თან ამინდებსაც ვეღარ ემიჯნები -
ქარის დაბერვა და იცვლი ლოკაციას...
რაც კი, რამ გამოგყვა

ბოლო შეხვედრიდან

ხელზე დაგიწყვია
(ან თუ დავაზუსტებთ)
ხელისგულებზე გაქვს ყველა მოგონება...
მზე კი იწურება,
ჰო, მზე იწურება,
და ჩვენ გამუდმებით, ვწევართ მიწურებში

ვწევართ!
ან ვჭამთ,
ან ვსვავთ,
ან ვმრავლდებით

და მზე იწურება

არადა

ათასობით სირთულის გადალახვა
გინდა...