ჩაგსვი შვიდივე ფორმაში
გაბრუნე
მერე გაუღლე
და
შეგაუღლე.

მიგისადაგე ისტორიის ფორმები
ზედსართავებივით,
ნაცვალსახელებივით,
მოვახდინე ასიმილაცია
კვეცა,
კვეთა,

მიგიყვანე რთულ წინადადებამდე
მარტივი სიტყვიდან,
მარტო სიტყვიდან
მიგიყვანე ყველაფრამდე.

გამოგაკელი
ყველაფერი რაც შემეძლო,
რაც არ შემეძლო,
დაგიმატე რამდენიმე
ნატვრა,
რამდენიმეს ნატვრა,
მხოლოდ ჭეშმარიტი.

და ისევ ჩაგსვი
შვიდივე ფორმაში,
არა, ბრუნვაში.
გაბრუნე, გაბრუნე,
დასავლეთი,
აღმოსავლეთი,
ჩრდილო,
სამხრ...
დაგღალა
კომპასივით ტრიალმა
და
მერე ქართულ სულზე შეგაუღლე

საქართველო