ნაწარმოებები


ლიტერატურული კონკურსი “ლილე 2021“     * * *     დაწვრილებით ფორუმზე https://urakparaki.com/?m=13&Theme=1546

ავტორი: ნათი ჯანაშია
ჟანრი: საბავშვო
16 სექტემბერი, 2010


ო ბ ო ბ ა

ობობა ვარ,
რვაფეხა და რვათვალა,
თუ არ გჯერათ,
დამაკვირდით, დათვალეთ!

კარგად ვხედავ,
(ამ რვავე თვალს - სიკეთე)
სათვალესაც
არასოდეს ვიკეთებ.

მქსოველი ვარ,
არ მჭირდება ჩხირები,
ფეხებშიაც
არვის არ ვეჩხირები.

არ გეგონოთ
ვტრაბახობდე, მარდი ვარ,
ცოცვაც ვიცი,
სიმაღლეზეც ავდივარ.

სათამაშოდ
არასოდეს მცალია,
აბლაბუდის
ქსოვა მიყვარს ძალიან.
 

კომენტარები ილუსტრაციები რეცენზიები