მაშინ,
როდესაც საკურთხევლიდან ჯვარს გადასახავ
მრევლს და ეტყვი, რომ ითხოვდნენ და მიეცემათ,
დააკაკუნონ და გაეღებათ,
მე შევეცდები დავინახო შენი თვალები,
რათა ამოვიკითხო ის,
რომ სულ ვერაფერს ვერ ხვდებოდი წლებს უკან.
ხოლო თუ ამას ვერ შევძლებ, ვერ ამოვიკითხავ,
იმ წამს
ვიყვირებ,
რომ შენ ურწმუნო ყოფილხარ, რომ შენ ღმერთი არ გწამს,
რადგანაც
თვითონ არ აკეთებ, რასაც ამგვარი
გულმოდგინებით ჩააგონებ შენს წინ მდგარ მასას...

გადაიფიქრე სანამ დროა მარტო გაფრენა...
ცალი ფრთა მე ვარ...
კარს უკან ვდგავარ და გიკაკუნებ...