ელიზაბეტ, ეხლა სანგარში ვარ,
დილით გავთხარეთ...
ამბობენ ბობმბები უნდა გვესროლონო,
დიდებიო
და მძლავრებიო,
ძალიან მაღლიდანო,
ციდანო,
იქ სადაც ღმერთი იყო
ეხლა ტუ-ები და სუ-ებიო...

თავზე "კასკა" მაფარია,
ბიჭები ჭორაობენ პლასტმასივითაა
ტყვიაზე იმსხვრევაო,
იმასაც ამბობენ ჩემი ბატალიონიდან
ათი რეზერვისტი მოკვდა ეგრეო.
ერთს თურმე ტუ-ს ჩამოგდება უნდოდა
"კალაშათი",
აწია ლულა ზევით, თვალები დახუჭა და
ტუ-ტუ-ტუ-ტუ...
იარაღი რო წაართვეს ორი კაცი მკვდარი იყო გვერდზე...

კიდევ ბევრს ამბობენ ძალიან,
ჩვენებმა ჩვენები დაბომბესო,
ავტობუსში ყუმბარა გაუვარდაო,
ყვითელი ავტობუსები წითელიაო,
იარაღებს ტოვებენ გარბიანო,
გარბიანო და უაზროდ კვდებიანო,
ზოგი იმასაც ამბობს სამშობლოსთვის სიკვდილი
უაზრო არააო, მარა...

მართლა იყო საფრანგეთის პრეზიდენტი მოსკოვში?
ყოველთვის მიყვარდნენ ფრანგები,
საფრანგეთი და პარიზი,
ან როგორც თვითონ ამბობენ "პარიჟ".
ომი რომ მორჩება წავიდეთ აუცილებლად,
ვნახოთ ელისეს მინდვრები,
იქ თურმე ერთი სახლი დგას, სადაც
ადრე გრაფი მონტე-კრისტო ცხოვრობდა,
უნდა ვნახოთ...

იცი, მე მაინც მჯერა რომ
ტუ-ები და სუ-ები და ზოგჯერ
მი-ებიც,
გაცილებით დაბლა არიან...
მეტ სიმაღლეს ხომ მეტი დრო უნდა
რეაქციისთვის.