ნაწარმოებები



ავტორი: მიქაელი
ჟანრი: პოეზია
26 დეკემბერი, 2010


  ჩამოტვირთვა

გიორგი გაბაიძეს...................

გნახავ შობამდე, მხარზე გემთხვევი,
ჯვარზე გაკოცებ უფროს ძმასავით,
შენ კი ლექსს მეტყვი ისევ შემთხვევით,
გამეცინება, რომ დამასწარი,

რომ დამასწარი ძმური სალამი,
და მომიკითხე როგორც პოეტი,
მე სუსტი სიტყვით ისევ თამამი,
ალალი გული ისევ ჰოს მეტყვის.

შენ ხომ იესოს თეთრი გედი და
ჩემი ხომ იცი ძმაო შავია,
გამოიძერწა ალბათ ბედიდან,
რომ ეს სხეული დამნაშავეა.

მე მიქაელი - არა ვარ ღირსი,
წმინდა გიორგი შენში იზრდება,
ჩემი არსება სიტყვებს რომ ისვრის,
გამოიწვია შენში ღვთის ნებამ.....

მერე მე წავალ, დაგტოვებ მარტო,
შობა დღის მერე ალბათ წერტილი,
შენგან მიმავალს სიკვდილი მართობს,
შენგან წავედი და შენში ვტირი.

კომენტარები ილუსტრაციები რეცენზიები