ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ბექა-ახალაია
ჟანრი: პოეზია
4 იანვარი, 2011


იალაპა

        ანი მატისს



კედელზე ჰკიდია კლიმტი,
სახელდობრ-,,ყაყაჩოს ველი",
გეტყვი და ძვირფასო, მენდე-
არსაით არ არი შველა,

ვნების და ამბორის გარდა...
გარეთ კი საამოდ ბარდნის,
ვაშლების ნატურე-მორტე,
კეფაზე შენი თმის ბარდი.

სუ ყველა ნახულობს, შენ კი
სიზმარი გნახულობს თვითონ,
საფერფლეს დავაგდებ განგებ,
იღვიძებ. ამბორი თითო

ძუძუზე. მერე კი ვნება,
ცეხლივით ედება ზეწარს,
კერტების ეგ წყვილი აბი...
მერე კი სხეულზე გაწერ

დღეების ქრონიკას, ჩემი
და შენი შეხვედრის, დღემდე,
გაბრუებ ტერფამდე თხემით,
მენდე და მენდე და მენდე.

ჩვენ არც ერთს არ გვიყვარს ყავა
და გვიყვარს ორივეს ვისკი,
მე მგონი მიყვარხარ, რავი...
წაგიყვან მკლავებით მზისკენ.

ლამაზი (ჩვენ) წყვილი გვქვია,
საყვარელ სიმღერას მღერი,
დაჭმუჭვნულ ზეწარზე ყრია,
(ეგ) შენი წამწამთა მტვერი!

კომენტარები ილუსტრაციები რეცენზიები

საიტის წევრს ნიკით:  orange ვულოცავთ დაბადების დღეს