ნაწარმოებები



ავტორი: მიქაელი
ჟანრი: პოეზია
28 თებერვალი, 2011


  ჩამოტვირთვა

ლექსი რომელიც არ უნდა დაწერილიყო(მთაწმინდის პანთეონზე ნანახი მოხუცის მონათხრობი)

-მეც გადამედო ისტორიის მძიმე ქრონიკა,
კიდევ მრავალჯერ მომიყვება ცრემლებით მამა,
სანამ დღეები ტკივილაცმულ მძივებს მოიტანს,
ვშიშობ სამშობლო კიდევ ერთხელ გახდება ავად.

ცრემლების სიგრძე  შეუცვლიათ შუბლზე ნაოჭით
და მდუმარება გაბატონდა საფლავზე ძმათა,
მოხუცის ხელებს მონატრებით ძლიერ დაოჭვილს,
უსწავლიათ და ტკივილიან ოცნებას ართავს.

ყოველ ღამე, უფრო ძილის წინ, ჩურჩულებს მიწა.
ჩვეულ რიტმში ეალერსება ნაპირებს ტალღა,
ვერავინ მეტი მხოლოდ, მხოლოდ წარსული იცავს,
წარსულიც მჯერა ვერასოდეს ვერ იგრძნობს დაღლას.

დაღლა, რომელიც უკვე წლების შექმნა ოცნებამ,
მაგრამ ამბობენ სანუკვარი ყოფილა თურმე,
მოხუცის თვალებს კიდევ ერთი ცრემლი მოსწყდება,
ის კი ფიქრებში თვალს აყოლებს მიმავალ ურმებს.

და ვერ შველის ჭრილობაზე ზედ გადაყრილ მარილს,
ის ნაჭრებიც მოხუცი რომ ნატვრის ხეებს აბამს,
ესე ძლიერ ნუ იდარდებ უყვებოდა ქარი,
უყვებოდა საქართველოს აფხაზეთის ამბავს.

კომენტარები ილუსტრაციები რეცენზიები