ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: პოეზია
2 მარტი, 2011


დედებს

დედებს გილოცავთ ყველას, უკლებლივ
დღეს თქვენსკენ ქრიან ჩემი ფიქრები,
ნუ მიწყენთ ნურვინ, დედა ხართ ბევრნი,
არა? რა მოხდა, მალე იქნებით.

ნუ განეცადოს ეულად ყოფნის
სინანული და სევდა ნურავის,
ნურც ერთ ქალს ეთქვას, არ დასცდენოდეს
ბედისთვის კრულვა და სამდურავი.

ყოფილიყავით მუდამ ლამაზნი
და სასურველნი, ვით გაზაფხული,
მუდამ სიამით და სიხარულით
გიძგერდეთ ყველას პატარა გული.

ნუ მოგეშალოთ ბავშვის სიცილი,
პლანეტა რომ ძგერს მათი გულია,
შვილის თვალებში მზე თუ იცინის
დედისთვის მუდამ გაზაფხულია.

დაგბედებოდეთ ზღვა სიხარული,
მუდამ ნათელი გქონოდეთ სული,
არ მოგკლებოდეთ ჯანის სიმრთელე,
შვილთა სილაღე და სიყვარული.

კომენტარები ილუსტრაციები რეცენზიები