მამა ვარ!
დღეს ჩემი შვილის ქორწილია,
მთელი დღეა ვტრიალებ და ვღელავ...
დავიღალე!

რძალს ლამაზი კაბა აცვია,
უმხრებო და
მხრებზე უსამაგრო,
მკერდზე მაგრდება მხოლოდ
უფრო სწორედ
მკერდზე კიდია... კაბა.
დროდადრო როცა ქვევით ჩოჩდება
რძალი წინიდან აწვება ხელით
და ზევით წევს...
არ მომწონს მარა მე ვინ,
ან მე რა...
როგორც ზაზა ამბობს "მე ჩემი უკვე ვიბლატავე"
ალბათ ეგრეა...

მამა ვარ!
ხშირად ვიმეორებ ჩემთვის,
ალბათ ვცდილობ დავრწმუნდე,
რომ ბედნიერი ვარ,
ან უნდა ვიყო,
ვცდილობ არ დამავიწყდეს ჩემი თანამდებობა!
სტუმრები მოდიან და მილოცავენ,
მეც მადლობას ვუხდი და
ვგრძნობ რომ საოცრად ნაცნობი სახე იყო,
მგონი ჩემი ყოფილი ცოლი...
ზაზას დედა... ც ...

დღეს ჩემი შვილის ქორწილია,
მამა ვარ, მამა!
და ჩემი ყოფილი ცოლი...
ვცდილობ თანამდებობა არ დამავიწყდეს.