=1=
  პატარა ლევანიკოს თოვლი ჯერ არ ენახა.
  -ლევან, მოდი ,რა გაჩვენო- უთხრა მამამ დილით და ფანჯარასთან მიიყვანა.
  პატარა გაოცებული უყურებდა გადათეთრებულ გარემოს ,შემდეგ მამას ხელიდან გაუსხლტა და სამზარეულოს მიაშურა.
  მალე შემობრუნდა თეფშით ხელში და მამას შარვალზე მოქაჩა;
  -ფაფა მიდა, ფაფა!
  ყველას გაეცინა, მიხვდნენ,ლევანიკოს თოვლი მისი საყვარელი "მანიფაფა"ეგონა.
                      =2=
  პატარა ლიკამ ბაბუ გააბრაზა.
  -ლიკა, შენ თავხედი ხარ? - კითხა ბაბუამ.
  -არა, მე დოდო ვარ! -თავდაჯერებულად მიუგო ლიკამ.
                      =3=
  თავგადაპარსული ლიკუნა სტუმრად წაიყვანეს. მასპინძელთა  შორის ერთი, სრულიად მელოტი კაციც იყო.
  -ბაბუ, შენც ხოტორია ხარ? -სერიოზულად შეეკითხა ლიკა.
                      =4=
  თამაშში გართულ ლიკას დედამ მაგიდაზე წამლის აბი დაუდო და წყლის მოსატანად გავიდა .მობრუნებულმა აბი ვერ იპოვა.
  -ლიკა, სადაა წამალი?-შეეკითხა დედა.
  -ზეპირად დავლიე- თავაუწევლად უპასუხა ლიკამ და თამაში განაგრძო.
                      =5=
  ნინიკო ძალზე ზარმაცი იყო. სწავლა ეზარებოდა და შესაბამისად არასახარბიელო ნიშნებს ღებულობდა ხოლმე. მამა ყოველ ღამე დღიურს ამოწმებდა, შეამჩნია, რომ ნინოსთვის  კარგა ხანია მათემატიკა არ უკითხავთ.
  -ნინო,  მათემატიკის მასწავლებელს დაფასთან არ გამოჰყავხარ?-ჰკითხა მამამ.
  -როგორ არა ,მამიკო ,დღესაც გამომიყვანა .
  -მერე?
  -დაფა გავასუფთავე და დამსვა-ყოჩაღად მიუგო ნინომ.
          =6=
  რუსულის გაკვეთილზე მასწავლებელი ეკითხება ნინიკოს
    -როგორაა მაგიდა?
  -стол- სხარტად მიუგო გოგონამ.
  -სკამი?
  -стул
  -იატაკი?
  -пол
  -ყოჩაღ ,ნინო . აბა თვითმფრინავი?
  ეს კი არ იცოდა ნინომ, მაგრამ იხტიბარი არ გაიტეხა და...
  -твитмфринав!-ყოჩაღად მიუგო მასწავლებელს .