=7=
  დედამ  ჩურჩხელები ამოავლო, ხარიხაზე ლამაზად გაამწკრივა და პატარა გოგი გააფრთხილა:
  -იცოდე, უჩემოდ ხელი არ ახლო, თორემ  მიგტყეპავ .
        გოგი  შორიდან  უყურებდა  მაცდურ ჩურჩხელებს ერთი დღე, მეორე, მესამე დღეს კი...იფიქრა, იფიქრა და ყველა ჩურჩხელას კუდი მოაჭამა.
  -ეს  რა გიქნია შე საძაგელო, შენა!-აყვირდა დილით დედა.
  -რა მოხდა?- საძინებლიდან გამოვარდა მამა.
  -აი, ნახე შენს ვაჟკაცს რა უქნია? არა და ,გავაფრთხილე, ხელი არ ახლო-მეთქი.
  -მე ხელი არ მიხლია დედიკო , გეფიცებიიიიიიი- ასლუკუნდა გოგი.
  -ხელი არც უხლია, პირზე ხომ არაფერი გითქვამს- ახარხარდა მამა.
  გაბრაზებულ დედასაც გაეცინა, პატარა გოგი კი მიტყეპვას გადაურჩა.
                          =8=
  თამაშში  გართულ ნინიკოს ხირად ფისი გაეპარებოდა ხოლმე, რაზედაც დედა სულ უწყრებოდა.
  -არა გრცხვენია? ამხელა გოგო ხარ და იფსამ, ფუ!
  ნინოს სწყინდა, მაგრამ დამნაავე იყო და...ხმას ვერ იღებდა.
  იმ დღესაც  ასე მოხდა და შერცხვენილი გოგონა  სველი კალგოტკით დაბრუნდა სახლში.
  -ისევ ჩაიფსი , ხომ?-გაუწყრა დედა.
  -არა, დავრბოდი და  გავვოფლიანდი– იხტიბარი  არ გაიტეხა ნინომ.
  -კი , მაგრამ მარტო ფეხები გაგიოფლიანდა?-გაბრაზდა დედა.
  -მე ხომ ფეხებით დავრბოდი?-გაიკვირვა ნინიკომ.
                          =9=
  ლევანი და ლიკა დედამ  სათამაოდ გაუშვა ,თან საათი გაატანა:"ახლა ორია, ოთხზე აქ იყავითო".
  ბავშვები გაერთნენ და როცა გაახსენდათ...უკვე ხუთი ხდებოდა.
  -დედიკო გვცემს...-ასლუკუნდა ლევანი.
  -მოდი, ისრები გადავაყენოთ და დედას ვაჩვენოთ რომ ჩვენთან ოთხია-მოიფიქრა ყაჩაღანა ლიკამ.
  ისრები მართლაც გადააყენეს, მაგრამ...დედამ ორივე მაინც მიტყეპა  არა დაგვიანებისთვის, არამედ მოტყუებისთვის.
        =10=
  პატარა ნიკა ახლობლებს  ორად ყოფდა, ისინი, ვინც  სურვილებს უსრულებდნენ, ეთამაშებოდნენ "დულში"უყვარდა, დანარჩენები კი"ტაკოში"."დულში"მყოფთა  შორის განსაკუთრებული ადგილი ბებოს ეჭირა, მაგრამ ერთ დღეს ნიკა ბებოზე გაბრაზდა. კუთხეში მიდგა  და ცრემლების ყლაპვით დაუძახა;
  -ბებო! ბელილი(ე.ი.დებილიო), ბებო აქა!- თან პატარა ხელს ტაკუნაზე იტყაპუნებდა.
  თავისი აზრით ბებოს სამაგიერო გადაუხადა.
                          =11=
  ერთხელ  ბებოს  ხელსაწმენდი  ქაღალდი  შემოაკლდა  და  ოჯახურ  სადილზე ტუალეტის ქაღალდი გამოიყენა სანაცვლოდ.
  -ბებო,ესა ტაკუ! ! - შეიცხადა პატარა ნიკამ.
                        =12=
  პატარა ნიკა თბილი ბიჭი იყო და თითქმის ყველა ახლობელი გულში უყვარდა.
  -დედიკო სად გიყვარს ნიკა?- ჰკითხა ბაბუამ.
  -დულში.
  -მამიკო?
  -დულში.
  -დეიდა?
  -დულში.
  -ბებო?
  აქ პატარა შეყოყმანდა, გაახსენდა, გუშინ  ბებო რომ გაუწყრა და...
  -მეტი დული ალ ალიიი -ხელები გაშალა ნიკამ.
                    =13=
  პატარა თეკლეს ყველანი თავზე ევლებიან და ისიც იფერებს ამას.
  -თეკლე, ჩემი სიცოცხლე ვინ არის?-ეკითხება მამა.
  -თეკუ.
  -ჩემი სიხარული?
  -თეკუ.
  -ჩემი ლამაზი გოგო?
  -თეკუ.
  -ჩემი ჭკვიანი?
  -თეკუ.
  -ჩემი კარგი გოგო?
  -თეკუ.
  -ჩემი ცუდი გოგო?
  -დედა.- არ დაიბნა პატარა.