ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: იუმორისტული
3 მაისი, 2011


სამეგრელოში


სამეგრელოში ძველად სტუმრად თუ მოხვდებოდი,
გაიხარებდა მასპინძელი გულით ნამდვილად,
მასთან არ ჭრიდა:"მეჩქარება, შემოგირბინეთ"
მისგან თავს ვეღარ დააღწევდი ეგრე ადვილად.

და ატყდებოდა ფაციფუცი ხალისიანი,
დაკლავდნენ ქათამს, მალე ღომიც ფრუტუნს იწყებდა,
სახაჭაპურე ცომს მოზელდა ოჯახის ქალი,
სტუმრის საამოდ მასპინძელი ნარდში აგებდა.

გაიშლებოდა თბილ ბუხართან სუფრა მეფური,
შებრაწულ ქათამს, სულგუნს ღომი მოუხდებოდა,
გადინაცვლებდა ხაჭაპური კეციდან თეფშზე,
ჰოდა, მოყვასის მოფერების ჟამი დგებოდა

და ჩადიოდა თასში ღვინო ღვთიურ რაკრაკით,
ცხელ–ცხელად ელარჯს*მოგართმევდნენ დესერტად მალე,
ტკბილ მუსაიფში, ახალ–ახალ სადღეგრძელოში,
მოუწვევ სტუმრად დადგებოდა კარებთან ღამე.
.......................................
მერე ქათმები შეიწირა "ფრინველის გრიპმა,"
"ღორის გრიპს" ვეღარ გადაურჩა ღორი და გოჭი,
ტყე გაიკაფა, საძოვრები ამოიღობა,
ათასში ერთხელ გვეღირსება სულგუნი ნორჩი.

ტრადიციულად გაიხარებს ოჯახი გულით
ახლაც კი,სტუმრად თუ მოხვდები სამეგრელოში,
–ახლავე ყავას მოგიდუღებთ–გეტყვიან თბილად,
–აქეთ მობრძანდით და დაბრძანდით ცაცხვის ჩეროში.

ყავა –თურქული,ტკბილეულიც თურქული ალბათ,
მხოლოდ შეხვედრა,მოფერება  დარჩა მეგრული,
მოგვიანებით შეიწვება "აკარაჩკები"
და გაკეთდება ღომი, ფქვილით ამერიკულით.

*ელარჯი–ცხელ ღომში გადაზელილი სასულგუნე ყველი
**აკარაჩკა–ქათმის გაყინული ბარკლები


კომენტარები ილუსტრაციები რეცენზიები