ნაწარმოებები


"რევაზ ინანიშვილის სახელობის ლიტერატურული კონკურსი"     * * *     დაწვრილებით ფორუმზე https://urakparaki.com/?m=13&Theme=1545

ავტორი: კრავაი ზვერელი
ჟანრი: პოეზია
14 მაისი, 2011


ღამის ეტიუდები

  ***
ღამეა,
დარდი სასთუმალთან
გაითხრის საფლავს...
მშიერ  მგელივით აყმუვლდება,
კოშმარს მომისევს.
ცა-
            პენელოპა, 
ვარსკვლავებით
ხალიჩას  ქარგავს,
მზეს  ელოდება
ზღვის ნაპირთან,
როგორც
          ოდისევსს...


***

...
ბინდდება,
ქარის ჩურჩული
ისმის,
ცას უცახცახებს ელვით
სხეული.
გამოკვართულა
ლილისფერ ნისლში
თუთა-
ნეკნებში გადამსხვრეული.


მოისმის შორად, ირმის ხავილი,
ჭრიჭინობელა
სმენას აყრუებს.
ვნებიან  ღამეს -
                ბოშა ქალივით
ჰკიდია მთვარე -
                    ცალი საყურე.

კომენტარები ილუსტრაციები რეცენზიები