ნაწარმოებები


ნაწარმოებების შერჩევა უკრაინაში მიმდინარე ომის თემაზე შექმნილი ლექსებისა და მოთხრობების კრებულისთვის - დაწვრილებით ლიტ-მოვლენაში     * * *     გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: არმენ არუთინოვი
ჟანრი: პოეზია
23 მაისი, 2011


credo (ბექა ახალაიას ,,ფსიქოს" პასუხად)

ნუ შეუშინდები ბუნდოვან მომავალს,
დარჩები გაფრენად შეშლილი პოეტის,
სამყარო დაგრჩება, მერწმუნე, მოვალედ,
ავადმყოფ გულებს რომ ლექსებად მოედო!

არ გიშვებთ, არ გიშვებთ, დალიე, დათვერი,
ჯავრი შეალეწე სისხლისფერ ალიონს,
სიკვდილის მერე რომ ყოველი საზვერე
ლექსისგან არჩეულ პოეტად გალიო!

ჭიქაში, რომელმაც დაკარგა ფუნქცია,
ისევე ჩავასხამთ ერევნულ კონიაკს
(მაგას მე ვიკისრებ), გვერდი აუქციე,
ცეცხლში შეუძახე კაფკას და მორიაკს,-

თავზე რომ გახვევენ ცრემლიან არაკებს,
შენთან რა ხელი აქვთ ნაღვლიან პოეტებს,
ჯერ უნდა იცხოვრო, სიკვდილის მერე კი
როგორც ოდისევსი აქილევსს მონეტებს,

ისე დრო შენ ლექსებს თვალებზე დაგაფენს!

კომენტარები ილუსტრაციები რეცენზიები