ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ტ ა ტ ო
ჟანრი: პოეზია
25 ივნისი, 2011


თუშეთი (ჩემი თავგადასავალი I ნაწილი )

ალვანიდან თუშეთისკენ გავუყევით გზასა გრძელსა,
აღმართი არ ილეოდა  გადავკვეთდით მთასა, ველსა.
გზად გვესმოდა რომ ეძახდა გზა აბნეულ ნუკრი შველსა
და ჩვენს გზაში დაღამებას ვაბრალებდით მძღოლსა  ნელსა.

მწუხრის ჟამი დამდგარიყო რომ შევდექით პერევალზე,
ცოტა ნასვამი ვიყავით და ვმღეროდით „სუპერ ქალზე“
მძღოლმა ბრძანა: „შევისვენოთ“ გააჩერა წყაროს წყალზე
სურათებიც გადავირეთ მოშიშვლებულ მთის მწვერვალზე.

უკვე შუაღამე იყო რომ ჩავედით თუშეთს ძმები
თვალში ვერ ვიხედებოდით ვბორიალობთ როგორც ბრმები
სალ  კლდეებზე დავდიოდით ყალყზე გვედგა ყველას  თმები
ჩვენ შიშს ისიც ამძაფრებდა რომ გვესმოდა მგლების ხმები.

სახლს  მშვიდობით მისვლისათვის გადვიწერეთ ჩვენ პირჯვარი
არაყს ვსვავდით გასათბობათ გულს გვხვდებოდა ვით ლახვარი
ცეცხლის დანთება მოგვინდა და მოვძებნეტ სახლში  კვარი
ტაბო მგზავრობამ დაღალა ლოგინს გდია როგორც მკვდარი

უცებ აზრმა გაგვიელვა გავიცინეთ ჩვენ მზაკვრულად
ვითომ დათვი ეზოს დადის და მისი ხა გვესმის ყურად
ლაშამ ტაბო გააღვიზა უთხრა: „ძმაო გთხოვო ძმურად
დათვის ბღავილი მოგვესმა და  დადექი ყარაულად“

ისიც მალე დაგოიმდა გაახილა ცალი თვალი
ფიქრობს ჩემი  დრო მოსულა მოვიხადო უნდა ვალი
თანაც გულში ეშინია ვაი ჩემი თავის ბრალი
ცოტა მაინც დამელია შიშს ვერა ვგრძნობ რომ ვარ მთვრალი

დიდი დროც კი არ გასულა თავზე უცბათ დაგვათენდა
ბუნებამ გამოიღვიზა გალამაზდა და დამშვენდა
ცხრათვალა მზე ამოვიდა მთის ფერდობზე სხივებს ჰფენდა
ცხენები ვერ ისვენებდნენ რადგან ტანზე ბუზი კბენდა

დილით ფეხზე წამოვდექით ყველამ გავასწორეთ ლები
ვხედავ სტუმრად მოსულიყვნენ თუში კარის მეზობლები
იარაღი ყველასა აქვს ჭერში ულაგიათ ხმლები
ჭიქას ჭიქაზე ურტყავენ არაყს სვავენ როგორც მგლები

თუშის ხალხზე ცოტას გეტყვით ეს არის სულ სხვა ნაცია
მთიდან მთაზე ეძახიან არ სჭირდებათ მათ რაცია
ტანაც კომოს დასცინიან  „ერთი ნახეთ რა კაცია
თუშეთში ვერ გაუვლია აკლიმატი-იზაცია“


სახლში დავტოვეთ კომო და ჩვენ მივაშურეთ ბუნებას
მერე ვეღარ გავუძელით თევზის დაჭერის ცდუნებას
ვთევზაობდით, ვბანაობდით და ვირთობდით ჩვენ გუნებას
არცერთი არ ვაპირებდით უკალმახოდ დაბრუნებას

გრადუსი დაბალი იყო ყინვა ძვლამდე ატანს კანში
წყალიც ძაან ცივი იყო ვკანკალობდით გვცრიდა ტანში
ტაბოს მაიკამ გასცურა წყალს მიყვება დაღესტანში
გულმოსული კი იძახის: „რად არ დავტოვე ალვანში“

თევზი როცა დავიჭირეთ  გზას გავუყევით მაშინა
სალ კლდეებზე მივდიოდიტ სადაც ვერ ივლის მაშინა
კობას ფეხი დაუცურდა იქ მყოფები შეგვაშინა
უცბათ ხელი ხელზე ვსტაცეთ ზურგით მივათრიეთ შინა

მესამე დღე გათენდა და მაგიდიდან ვწმინდავთ მტვერსა
მუშაობა გვეზარება არ ვაკეთებთ არაფერსა
მერე აზრი დაგვებადა  ბედი მივანდოთ ჯოკერსა
წაგებული მუშაობს და მოგებული იფხანს ყვერსა

ამ იდეამ გაამართლა საქმე კარგად ნაწილდება
ვინც თამაში არ იცოდა გაკეთებაც მას უხდება
ვაჩე აღარ თამაშობდა რომ წააგებს  კარგად ხვდება
ლაშამ ჭკუა ვერ ისწავლა კაცი წყლის მოტანით კვდება

კობა მუდამ ჭურჭელს რეცხავს ქალის საქმე მას უხდება
კომო წაგების და გამო ხმას აღარ გვცემს იგრუზება
ტაბო „ეეს“  გაიზახის სიმწრისაგან მარლა ხტება
ჩემზე კიდე რაღა გითხრათ მე წაგება არ მიხდება

სახლის საქმეს როცა მოვრჩით მერე ცხენები დაგვჭირდა
გზა გვქონდა შორი სავალი, სიარული არ გვიჭირდა
გზაში შემოგვხვდა ტურისტი ვერ გავიგეთ რა უჭირდა
ცხენების  ჯოგს მივადექით მათი დაჭერა გაჭირდა

მერე წვიმა წამოვიდა სხეულები გაგვეყინა
მოშორებით დავინახეთ მეცხვარისა მცირე ბინა
იქამდე რომ მივსულიყავთ ცოტა უნდა გაგვერბინა
შიგნით ნაბადი მოვძებნეთ ტანზე რომ გადაგვეფინა

ტემპერატურა დაეცა ხუთი ექვსი გრადუსია
მგონი ყველა ვიყინებით და იზრდება მკვდრების სია
მთელი ჯოგი გამოვრეკეთ ჩვენი არის თუ სხვისია
აი ასე შევასრულეთ დაკისრებული მისია


დილით არაყი დავლიეთ ყველას დაგვეკარგა გონი
გადავწყვიტეთ საღამოსთვის დავანთოთ დიდი კოცონი
ცეცხლტან სტუმრები მოვიდა მთელი სოფელია მგონი
სიმღერაც კი შემოვძახეთ არ გვჭირდება მიკროფონი

ერთს ალქაიდას ვეძახით მაგარი კაცია მარა
კალაშნიკოვის ტყვიები სათითაოდ ცეცხლსი ყარა
ყველანი იმალებოდნენ გოგო-ბიჭი დიდ-პატარა
და გინებით იძახოდნენ ეს რა შარსა გადაგვყარა

მომდევნო დღე რომ გათენდა უნდა მოგვეყვანა ცხვარი
ცხვარსა საჩუქრად გვაძლევენ არც კი გვჭირდებოდა ლარი
ყველამ ცხენები შევკაზმეთ ვნახოთ ვინ რა ბიჭი არი
ერთმანეთს ვეჯიბრებოდით გამართული გვქონდა რალი


ბევრი სიარულის შემდეგ როგორც იქნა გზა გათავდა
„ვაკის ძირში“ მივაღწიეთ სადაც ცხვარი ყველას ყავდა
ვაკის ძირს ვეძახით თორე იგი ვაკეს სულ არ გავდა
გადახურულ ცხვრის ბინაში ხალხი ჭიქით არაყს სვავდა

ჩვენც დალევას გადავყევით  დაგვაღამდა, დრო გაფრინდა
გვითხრეს დღეს უკან ვერ წახვალთ მე კი დარჩენა არ მინდა
მერე ცხვარი დაიკლა და ცეცხლზე მწვადი აშიშხინდა
წასვლა აღარავის სურდა ცეცხლტან ყველა გაირინდა

კარგად როცა დავთვერით და მათაც მოწიეს თამბაქო
მინდორში გამოგვიყვანეს გვითხრეს დაიძინეთ აქო
არც ბალიში, არც საბანი, ნაბადის მეტ არა მაქო
ლოგინია მშვენიერი უკეთესი არ შეაქო

კობას გვერდით მეცხვარის ძაღლს სძინავს კობას ყარაულობს
ძაღლი ფიქრობს კობას სახით ჩვენ ცხვრის ფარას მგელი სტუმრობს
ისიც ნაბდიდან თავს ვერ ყოფს არ იცინის და არც ხუმრობს
გასუსული ნაბადის ქვეშ სუნთქვას იკრავს არ ხმაურობს


ნაბადში ტაბო შემოძვრა ვერ გავიგე იყო ვინა
მთელი ღამე ხმელ მიწაზე წუთითაც არ დამეძინა
ხმელ მიწას ვინ დაეძებდა საშინელი იყო ყინვა
თანაც მუცელი მტკიოდა იმდენი ვჭამე მალინა


როგორც იქნა გათენდა და მზემაც გაგვათბო სხივითა
ყველას  პირი გვიშრებოდა, პახმელიასა დილითა
ისევ სუფრა გაგვიშალეს გვიმასპინძლეს სადილითა
მდინარეს ჩამოვუყევით კალმახივით ლივლივითა
           

კომენტარები ილუსტრაციები რეცენზიები