შეიკრიბენ ბიჭუნები:
გია, ლევანი და კობა,
დიდობაში ვინ-ვინ გახდეს
მათ ამაზე იწყეს ბჭობა.

-ექიმობას შევისწავლი –
დიდის ამბით ამბობს გია.
-მე მშენებელი გამოვალ,
ხიდს ავაგებ მართლაც დიადს-

ამბობს კობა და თან ხელით
ხაზავს ვითომ გეგმას ხიდის,
-ისეთ სახლებს ავაშენებ...
უნდა იყოს დიდზე დიდი.

ლევანიკო კი ოცნებობს-
მე გაფრენა მზეზე მინდა,
იქ სულ ცხელა, არ მეცმევა
არც პალტო და აღარც წინდა.