ქუჩაზე  სანთლებად  ანთია  ხეები,
ფოთლებზე  ცეცხლია,  წუხილით  გულის  ხმა
ისმის  და  უთუოდ  რასაც  ვერ  ველევი,
ნაღვლიან  თვალებით  ადვილად  ვგულისხმობ.

საოცრად  გაშლილა  ჩემს  თვალწინ  ქართული
რწმენა  და  დიდება...  თუ  ესეც  არ  კმარა?!
მეც  ასე  იოლად  –  ქართულად  გავრთულდი,
წყაროსთან  იმღვრევა  ცრემლები  ანკარა.

არ  ამბობ  ენით  და  თვალებით  მახვედრებ,
რომ  მთელი  არსებით  ეკუთვნი  მოყვასებს.
შენს  გულში  ერთხელაც  რომ  შემომახედა,
გჯეროდეს,  სიცოცხლეს  მეორედ  მოვასწრებ.

ანთებულ  ოცნებად  შეგმატებ  კელაპტრებს,
თუ  სახარებაა საშენო  მოტივი;
წუთითაც  არ  ვიტყვი,  რომ  არ  მომენატრე,
,,ვერ  გიტან  რთულად  და  მიყვარხარ  მარტივად’’...