,,შენ  ლამაზი  ხარ,  ლამაზი  ხარ,  როგორც  მიმოზა’’...
                                                                        არჩილ  ფირცხალავა


მე  მაგონდება  ნაღვლიანი  ორეულები,
მგონი  ამ  ღამის  ორეულიც  მთვარემ  არია.
გთხოვ  დამიჯერე,  სიყვარულით  რომ  გეუბნები:
დღითიდღე  უფრო  მენატრები  ,,ავემარია’’!

მე  მაგონდება  მოფარფატე  მაგ  შენი  თმები,
დავჯდები  მერეც,  გულიანად  დავწერ  არიას.
რასაც  ვერ  შევძლებ,  არასოდეს  არ  შეგპირდები,
ყველაზე  მეტად  მე  მენატრები  ,,ავემარია’’!

მე  მაგონდება  ჯადოსნური  ქალის  საგულე,
ექსცესი  არის  უშენობა...  გარეთ  ქარია.
შენ  საუკუნის  დედოფლობა  დაიმსახურე
და  შენი  სულიც  წმინდა  არის  ,,ავემარია’’!